لاہور، میرون جوڑے میں ملبوس پاکستانی شوبز انڈسٹری کی حسین ترین اداکارہ مریم نفیس نے دلکش اداؤں سے مداحوں کو اپنے سحر میں جکڑ لیا ہے۔
اداکارہ مریم نفیس نے معروف کلاتھنگ برانڈ کی تشہیر کیلئے فوٹو شوٹ کرایا جس کی تصاویر اداکارہ نے انسٹاگرام کے اپنے آفیشل اکاؤنٹ سے مداحوں کے ساتھ شیئر کیں۔
View this post on Instagram
شیئر کردہ تصاویر میں مریم نفیس نے میرون رنگ کا جوڑا زیب تن کررکھا ہے جبکہ کچھ تصاویر میں وہ پیلے اور گلابی رنگ کے ڈریسز میں بھی دکھائی دے رہی ہیں۔
میرون جوڑے کے ساتھ اداکارہ نے نیلے رنگ کا کنٹراسٹ ڈوپٹہ بانہوں میں لپیٹ رکھا ہے، اسکے ساتھ ساتھ اداکارہ نے اپنے ہاتھ میں سرخ رنگ کے گلاب کا پھول لے رکھا ہے، مریم نفیس کا یہ سین مداحوں کی توجہ اپنی طرف مبذول کررہا ہے۔
اس موقع پر مریم نفیس نے اپنے بالوں کو کھول رکھا ہے جبکہ گہرے میک اپ اور نازک اداؤں میں اداکارہ کا حسن مزید نکھر رہا ہے۔
شیئرکردہ تصاویر نے سوشل میڈیا پر آتے ہی شوبز انڈسٹری میں دھوم مچا دی ہے جبکہ پوسٹ کے کمنٹ سیکشن میں مداحوں کی جانب سے محبتوں کی برسات بھی کی جارہی ہے۔
