لاہور ہائیکورٹ نے بغیر لائسنس پالتو جانوروں اور پرندوں کا کاروبار کرنیوالی دکانیں سیل کرنے کا حکم دیدیا ہے۔
لاہور ہائیکورٹ نے ٹولنٹن مارکیٹ کی صفائی نہ کرنے کیخلاف درخواست پر سماعت ہوئی۔
جسٹس شاہد کریم نے سماعت کی جبکہ بیرسٹر عزت فاطمہ نے درخواست گزار کی طرف سے دلائل دیئے۔
گورنر ہاؤس کے پی میں شادی کے فوٹو شوٹ کی ویڈیو وائرل
عدالتی حکم پر متعلقہ افسران بھی پیش ہوئے، دوران سماعت درخواست گزار نے دلائل دیتے ہوئے کہا کہ ٹولنٹن مارکیٹ میں صفائی کے انتظامات نہ ہونے سے علاقے میں بدبو پھیل جاتی ہے، کیمپ جیل سمیت علاقے کے مکینوں کو مشکلات کا سامنا ہے، ٹولنٹن مارکیٹ کے نالے میں جانوروں کی باقیات پھینک دی جاتی ہیں۔
عدالت نے بغیر لائسنس پالتو جانوروں اور پرندوں کا کاروبار کرنیوالی دکانیں سیل کرنے کاحکم دیدیاہے ، عدالت نے ٹولنٹن مارکیٹ نالے کی صفائی کا بھی حکم دیدیا ہے۔
