پاکستان پیپلز پارٹی کے چیئر مین بلاول بھٹو زرداری کیلئے مبینہ طور پر دلہن کا انتخاب کرلیا گیا ہے، انکی منگنی 15 یا 16 دسمبر کو ہوگی۔
ذرائع نے بتایا ہے کہ بلاول بھٹو کی منگنی ممکنہ طور پر کراچی یا متحدہ عرب امارات میں ہوگی جسکی تیاریاں شروع کر دی گئی ہیں، حتمی مقام ابھی سامنے نہیں آسکا ہے، بلاول کی شادی کیلئےخاندان میں مشاورت کے بعدلڑکی پسند کر لی گئی ہے، بلاول کیلئے دلہن کا انتخاب انکی بہنوں بختاور بھٹو اور آصفہ بھٹو زرداری نے ملکر کیا ہے۔
میاں صاحب سلیکشن نہیں الیکشن جیت کر آؤ، بلاول بھٹو زرداری
ذرائع کے مطابق بلاول بھٹو کی ہونیوالی بیوی کا تعلق سندھ سے بتایا جا رہا ہے اور انکا خاندان مستقل طور پر یو اے ای میں مقیم ہے ،بختاور بھٹو کی اپنی ہونیوالی بھابھی سے ملاقات بھی یو اے ای میں ہوئی تھی ، اسکے بعد آصفہ بھٹو ، صنم بھٹو ، فریال تالپوراور آصف زرداری سب نے ملکر بلاول کیلئے دلہن کا انتخاب کیا۔
ذرائع کا کہنا ہے کہ منگنی کی تقریب متحدہ عرب امارات میں ہونے کا قوی امکان ہے اور اس سلسلے میں 15 یا 16 دسمبر کی تاریخ بتائی جا رہی ہے۔
