پاکستان تحریک انصاف (پی ٹی آئی) کا بلےکی بجائے بلے باز کے نشان پر الیکشن لڑنےکا اعلان۔
پی این این کی خبروں کے مطابق پی ٹی آئی کا پلان بی سامنے آگیا، پی ٹی آئی نے بلے کی بجائے بلے باز کے نشان پر الیکشن لڑنے کااعلان کر دیا۔
پارٹی کی جانب سے ہدایت کی ہے کہ امیدوار تحریک انصاف نظریاتی کے ٹکٹس آر اوز کو جمع کرائیں۔
پارٹی کی جانب سے یہ بھی کہا گیا ہے کہ ریٹرننگ افسران سے وصولی بھی لیں، اگر ٹکٹ جمع کرانے میں پولیس یا آر او رکاوٹ ڈالتے ہیں تو فوری آگاہ کریں۔
ڈسٹرکٹ، صوبائی اور سنٹرل الیکشن کمیشن کوشکایت ای میل کریں۔
پاکستان تحریک انصاف نے ہدایت کی ہے کہ اپنی تحریری شکایت بھی ضلعی اور صوبائی الیکشن کمشنر کو جمع کرائیں۔
