پشاور ہائیکورٹ کے چیف جسٹس نے حکم دیا ہے کہ رات 9 بجے کے بعد بچہ سڑک پر بھیک مانگتے ہوئے دکھائی نہیں دینا چاہیے۔
پشاور ہائیکورٹ میں کیس کی سماعت ہوئی، اسسٹنٹ کمشنر اور فلاحی ادارہ کے نمائندے عدالت میں پیش ہوئے۔
چیف جسٹس پشاور ہائیکورٹ نے ریمارکس دیے کہ روزی کمانے کا بھی ایک وقت ہوتا ہے، مسئلے کو ٹھیک نہ کیا تو ڈپٹی کمشنر کو بلاؤں گا۔ رات کو 1 بجے بچے پھول بیچ رہے ہیں کیا یہ ٹھیک ہے؟
رات 9 بجے کے بعد بچہ سڑک پر بھیک مانگتے ہوئے نظر نہیں آنا چاہیے، عدالت نے 2 فروری تک کیس کی سماعت ملتوی کر دی۔
