اسلام آباد، الیکشن کمیشن نے قومی اور صوبائی اسمبلیوں کے انتخابات کیلئے اعلیٰ سطح کے اجلاس میں بیلٹ پیپرز کی چھپائی کی باقاعدہ منظوری دیدی۔
الیکشن کمیشن کے اجلاس میں فیصلہ کیا گیا قومی اور اسمبلیوں کی نشستوں کیلئے مجموعی طور پر 25 کروڑ سے زائد بیلٹ پیپرز چھاپے جائیں گے، چھپائی کا عمل 3 فروری تک جاری رہے گا۔
الیکشن کمیشن نے فیصلہ کیا ہے کہ بیلٹ پیپر صرف سرکاری پرنٹنگ پریس سے شائع ہوں گے، بیلٹ پیپرز خصوصی فیچر شامل کیے جارہے ہیں جس کیلئے بیرون ملک سے کاغذ درآمد کیا گیا ہے۔
سرکاری پرنٹنگ پریس پر سیکیورٹی کے خصوصی انتظامات کیے گئے ہیں، بیلٹ پیپرز پولیس اور فوج کی نگرانی میں تمام اضلاع کو بھجوائے جائیں گے۔
