لاہور، اینٹی کرپشن عدالت نے پنجاب اسمبلی میں مبینہ غیر قانونی بھرتیوں کے مقدمہ کی سماعت 25 جنوری تک ملتوی کردی۔
اینٹی کرپشن عدالت کے جج ارشد حسین بھٹہ نے کیس کی سماعت کی، پرویز الہٰی اور محمد خان بھٹی کو جیل سے بلا کر عدالت میں پیش کیا گیا۔
عدالت نے سابق وزیراعلیٰ پنجاب سمیت دیگر شریک ملزمان میں چالان کی کاپیاں تقسیم کرنے کے احکامات جاری کئے، جج ارشد بھٹہ نے شریک ملزموں کو بھی آئندہ پیشی پر کاپیاں دینے کیلئے طلب کرتے ہوئے سماعت 25 جنوری تک ملتوی کردی۔
واضح رہے کہ پرویز الٰہی اور سیکرٹری پنجاب اسمبلی پر تحریری امتحان میں فیل ہونے والے ملازمین کو گریڈ 17 میں ملازمتیں دینے کے الزام میں اینٹی کرپشن اسٹیبلشمنٹ پنجاب نے مقدمہ درج کررکھا ہے ۔
