لاہور، رہنما پیپلزپارٹی آصفہ بھٹو کا کہنا ہے کہ پیپلزپارٹی واحد جماعت ہے جو غریبوں کا سوچتی ہے، دوسرے لوگ صرف نعروں کی سیاست کر رہے ہیں۔
لاہور کے حلقہ پی پی 160 میں ورکرز کنونشن سے خطاب میں آصفہ بھٹو نے کہا کہ ہر کسی کو مفت علاج ملنا چاہیے، ہم نے سندھ میں ہسپتال بنائے جہاں لوگوں کا مفت علاج ہو رہا ہے۔
آصفہ بھٹو نے کہا کہ دنیا کی کوئی طاقت ہمیں نہیں روک سکتی ہم مل کر پاکستان کی تقدیر بدلیں گے، صرف پیپلزپارٹی ہی لوگوں کو گھر دیتی ہے ہم آپ کی تنخواہ دگنی کر دینگے، 8 فروری کو تیر پر نشان لگا کر بلاول بھٹو کو موقع دیں۔
