لاہور، 9 مئی واقعات کے دوران پولیس کی گاڑیاں جلانے کے مقدمے میں 6 روپوش ملزمان کو اشتہاری قرار دیدیا گیا۔
انسداد دہشتگردی عدالت کے جج محمد نوید اقبال کی عدالت میں 9 مئی جلاؤ گھیراؤ کیس کی سماعت ہوئی، عدالت نے میاں اسلم اقبال، حماد اظہر اور عدنان اشرف سمیت دیگر کو اشتہاری قرار دیدیا۔
پولیس نے ملزمان کو اشتہاری دینے کی درخواست کی، تفتیشی افسر کا کہنا تھا کہ ملزمان کے اشتہارات بھی شائع ہوئے مگر ملزم پیش نہ ہوئے، گرفتاری کے ڈر سے روپوش پوچکے ہیں، انہیں اشتہاری قرار دیدیا جائے۔
