مسلم لیگ (ن) کے سینیٹر مشاہد حسین سید نے عمران خان کو عام معافی دینے کا مطالبہ کردیا۔
قائم مقام چیئرمین سینیٹ مرزا آفریدی کی زیر صدارت اجلاس میں اظہار خیال کرتے ہوئے مشاہد حسین سید کا کہنا تھا کہ عمران خان کو رہا کیا جائے، وہ سیاسی قیدی ہیں انہیں عام معافی دی جائے، پی ٹی آئی کا حق ہے کہ انہیں مخصوص نشستیں ملنی چاہیے۔
دوسری جانب پی ٹی آئی کی درخواست پر قائم مقام چیئرمین سینیٹ مرزا آفریدی نے صدارتی الیکشن میں ووٹ کا حق استعمال کرنے کیلئے سینیٹر اعجاز چوہدری کے پروڈکشن آرڈر جاری کرنے کی ہدایت کردی۔
