اسلام آباد، وزارت خزانہ نے پاسپورٹ کا موجودہ بیک لاک ختم کرنے کیلئے فنڈز جاری کردیے۔
پاسپورٹ آفس کے ذرائع کے مطابق پرنٹنگ مشینز اور ای سپورٹ مشینز کی خریداری کے ٹینڈرز کا انٹرنیشنل اشتہار دیدیا گیا ہے جب کہ چھپائی میں استعمال ہونیوالے لیمی نیشن پیپرز کے ٹینڈرز کابھی انٹرنیشنل اشتہار جاری ہے۔
ذرائع کے مطابق پاسپورٹ مشینری اور لیمینیشن پیپر کی خریداری مکمل ہوتے ہی بیک لاک ختم ہوجائے گا، اس وقت 8 لاکھ سے زائد پاسپورٹ کی پرنٹنگ التوا کا شکار ہے۔
پاسپورٹ اینڈ امیگریشن حکام کے مطابق ماہانہ 20 سے 25 ہزار پاسپورٹ کی پرنٹنگ جاری ہے جب کہ روزانہ کی بنیاد پر پاسپورٹ اجرا کی 40 سے 45 ہزار درخواستیں آرہی ہیں۔
