قومی کرکٹر فخر زمان نے آسٹریلیا کے شہر میلبرن میں اکیڈمی قائم کردی۔
اکیڈمی کے افتتاح کے موقع پر بچوں کی بڑی تعداد نے شرکت کی، میڈیا سے گفتگو کرتے ہوئے فخرزمان نے کہا کہ اکیڈمی میں عمر کی کوئی حد نہیں رکھی گئی، اسے بنانے کا مقصداکیڈمی میں کھلاڑیوں کی بنیادی چیزوں پر کام کرکے ٹیمیں تیار کرنا ہے، اسکے علاوہ آسٹریلیا، دبئی اور پاکستان سے اکیڈمی کی ٹیمیں دوروں کا تبادلہ کریں گے۔
قومی کرکٹر نے کہا کہ پاکستان میں دو اکیڈمیز قائم کر چکے ہیں، ایک اور پر کام جاری ہے، ہم نے اکیڈمی میں اسکالر شپ پر بھی کھلاڑیوں کو رکھا ہے، فخر زمان کا کہنا تھا کہ میں نے بڑی مشکل سے کرکٹ کھیلی ہے، اب چاہتا ہوں دوسروں کو مشکل نہ ہو۔
واضح رہے کہ فخر زمان دورہ نیوزی لینڈ مکمل ہونے پر آسٹریلیا آگئے تھے جہاں انہوں نے اپنی اکیڈمی کے سلسلے میں قیام کیا۔
