بھارت میں مفت گول گپے نہ دینے پر ٹھیلے والے کو قتل کر دیا گیا۔
یہ واقعہ کان پور شہر میں پیش آیا جہاں گول گپے بیچنے والے شخص کو قتل کر دیا گیا، کان پور کے علاقے چکری میں 40 سالہ پریم چندرا گول گپے کا ٹھیلہ لگاتا تھا۔
رات کو گھر واپسی کے وقت علاقے کے کچھ غنڈوں نے پریم چندرا سے مفت گول گپے مانگے جسے پریم نے دینے سے انکار کیا، پریم کے انکار کرنے پر غنڈے طیش میں آگئے اور اسے بری طرح پیٹا۔
علاقے میں شور شرابا ہونے پر علاقہ مکین گھروں سے باہر نکل آئے اور غنڈوں سے پریم کو بچایا۔
شہری کی حالت بگڑنے پر اسے ہسپتال منتقل کیا گیا جہاں ڈاکٹرز نے اسکو مردہ قرار دیدیا۔
پولیس کے مطابق چکری تھانے میں واردات میں ملوث افراد کیخلاف مقدمہ درج کرلیا گیا ہے۔
