وزیراعظم آفس نے سرکاری ملازمین کو نوکریوں سے نہ نکالے جانے کے نوٹیفکیشن کو جعلی قرار دے دیا ہےوزیراعظم آفس کی جانب سے گزشتہ روز جاری کردہ بیان کے مطابق سوشل میڈیا پر سرکاری ملازمین کو نوکریوں سے برطرف نہ کیے جانے سے متعلق زیرگردش نوٹیفکیشن جعلی ہے، اس قسم کا کوئی نوٹیفکیشن جاری نہیں کیا گیا ہے، عوام اس قسم کی افواہوں پر کان نہ دھریں۔بیان میں کہا گیا کہ وزیراعظم آفس کی جانب سے متعلقہ حکام کو معاملے کی انکوائری کا حکم دے دیا گیا ہے اور ملوث افراد کے خلاف قانون کے مطابق کارروائی کی جائے گی۔واضح رہے کہ چند روز قبل سوشل میڈیا پر وزیراعظم آفس کی طرف سے ایک سرکلر وائرل ہوا تھا جس پر درج تھا کہ حکومت نے مستقل اور کنٹریکٹ ملازمین سمیت کسی بھی سرکاری ملازم کو نوکری سے فارغ نہ کرنے کا فیصلہ کیا ہے۔
تازہ ترین
