دنیا بھر میں پاکستان کا مثبت پیغام پہنچا

وزیراعظم عمران خان کا کہنا ہے کہ بر وقت اور درست فیصلوں سے جنگ کا خطرہ ٹل گیا لیکن خطرہ برقرار ہے۔پی ٹی آئی پارلیمانی پارٹی کے اجلاس میں وزیراعظم عمران خان کا کہنا تھا کہ پاک بھارت کشیدگی پر پارٹی ارکان کو اعتماد میں لیا گیا، پاکستان نے اپنے بروقت اور درست فیصلوں سے ناکام تو بنا دیا لیکن خطرہ صرف ٹلا ہے ابھی ختم نہیں ہوا۔پارٹی ارکان اور اتحادیوں کو اعتماد میں لیتے ہوئے وزیراعظم نے کہا کالعدم تنظیموں پر پابندی ملک کا اندرونی معاملہ ہے کسی بھی معاملے پر عالمی دباؤ خاطر میں نہیں لائیں گے وہی فیصلہ کریں گے جو ملکی مفاد میں ہوگا۔پارٹی اراکین نے وزیراعظم کے امن اقدامات پر خراج تحسین پیش کیا جبکہ مشکل گھڑی میں شاندار سفارت کاری پر وزیر خارجہ شاہ محمود قریشی کو بھی شاباش ارکان کا کہنا تھا دنیا بھر میں پاکستان کا مثبت پیغام پہنچا۔