فواد چودھری نے رویت ہلال کے معاملے پر کمیٹی قائم کر دی۔ کمیٹی عیدین، رمضان المبارک اور محرم کے لئے چاند کی تاریخوں کا تعین کر کے 5 سالہ کیلنڈر تشکیل دے گی۔وفاقی وزیر سائنس اینڈ ٹیکنالوجی فواد چودھری نے چند روز قبل چاند دیکھنے کے تنازعات سے بچنے کے لئے سائنس اینڈ ٹیکنالوجی، سپارکو اور محکمہ موسمیات کے نمائندوں پر مشتمل کمیٹی تشکیل دینے کا اعلان کیا تھا جس پر عمل کرتے ہوئے اب کمیٹی کا نوٹیفیکشن جاری کر دیا گیا ہے۔کمیٹی رمضان المبارک، عید الفطر، عید الضحی اور محرم کے چاند کی تاریخ کا تعین کر کے 5 سالہ کیلنڈر تشکیل دے گی، کمیٹی میں جوائنٹ سائنٹفک ایڈوائزر، محکمہ موسمیات اور سپارکو کے نمائندے شامل کئے گئے ہیں، ڈاکٹر طارق مسعود (جوائنٹ سائنٹفک ایڈوائزر) کو کمیٹی کا کنوینر مقرر کیا گیا ہے جبکہ وقار احمد، ندیم فیصل، ابو نسان اور غلام مرتضی کمیٹی میں شامل ہیں۔
Ministry of Science n Tech Committee to resolve #moonsighting controversy constituted pic.twitter.com/LknTHNOsOe
— Ch Fawad Hussain (@fawadchaudhry) May 7, 2019
