ایک کروڑ لوگوں کو مار دوں تو امریکہ افغانستان فتح کر لے گا

امریکی صدر ڈونلڈ ٹرمپ نے کہا ہے کہ طالبان سے معاہدے کے بعد افغانستان میں امریکی فوجیوں کی تعداد کم ضرور کریں گے لیکن ہم افغانستان میں ہمیشہ اپنی موجودگی رکھیں گے۔
امریکی ریڈیو کو انٹرویو میں صدر ٹرمپ نے کہا کہ طالبان کے ساتھ امن مذاکرات کے بعد افغانستان میں امریکی فوجیوں کی تعداد 8600 تک کردینگے تاہم ہم افغانستان میں موجود رہیں گے اور اپنی انٹیلی جنس وہاں رکھیں گے۔انہوں نے کہا کہ افغانستان سے امریکا پر اگر دوبارہ کوئی حملہ ہوا تو ہم بھرپور طاقت کے ساتھ واپس آئیں گے۔
ڈونلڈ ٹرمپ نے ایک بار پھر افغانستان کو دہشت گردی کی ہارورڈ یونیورسٹی قرار دیتے ہوئے احمقانہ بیان دیا کہ اگر میں ایک کروڑ لوگوں کو مار دوں تو امریکہ یہ جنگ منٹوں میں جیت سکتا ہے لیکن میں ایسا نہیں چاہتا۔