کراچی میں بپھرا ہوا مجمع پیٹرول پمپ پر حملہ آور۔
گزشتہ روز وزیر خزانہ مفتاح اسماعیل کی جانب سے پٹرول اور ڈیزل کی قیمتوں میں 30 روپے اضافے کا اعلان کیا گیا تھا ۔
پٹرولیم مصنوعات کی قیمتوں میں اضافے کے بعد ڈیزل کی نئی قیمت 209 روپے 86 پیسے جبکہ پیٹرول 204 روپے 25پیسے فی لیٹر ہو گیا ۔ پٹرولیم مصنوعات کی قیمتوں میں ہفتے 60روپے فی لیٹر اضافے کے بعد گزشتہ رات عوام سرپا احتجاج نظر آئے ۔
بے پناہ مہنگائی پیٹرول ڈیزل قیامت خیز قیمتیں عوامی غیض و غضب کے ابتدائی آثار دکھائی دے رہے ہیں کراچی میں بپھرا ہوا مجمع پیٹرول پمپ پر حملہ آور ہے کون جانے قوم کا غصہ کل کیا صورت اختیار کرلے pic.twitter.com/1c0kQWqFpj
— Kamran Khan (@AajKamranKhan) June 2, 2022
تفصیلات کے مطابق کراچی کے مختلف علاقوں میں سڑکوں پر ٹائر جلا کر کر حکومتی فیصلے کے خلاف احتجاج کیا گیا جبکہ سبزی منڈی کے قریب پٹرول نہ دینے عوام کی جانب سے پیٹرول پمپ پرتوڑ پھوڑ بھی کی گئی ۔
اسلام آباد میں بھی پٹرول پمپ پر شہریوں اورعملے کے درمیان ہاتھا پائی کی گئی جبکہ کئی علاقوں میں منافع خوروں نے 12بجے سے پہلے پٹرول پمپ بند کر دیے جس کے باعث شہری سستے پٹرول سے محروم رہے۔
