پاکستان تحریک انصاف (پی ٹی آئی) کے رہنما فواد چوہدری نے مریم نواز کی پاسپورٹ واپسی پر ردّ عمل دیتے ہوئے کہا ہے کہ اب اگلی پریس کانفرنس لندن سے ہو گی۔سماجی رابطے کی سائٹ ٹوئٹر پر جاری کیے گئے اپنے بیان میں فواد چوہدری نے کہا کہ اب اگلی پریس کانفرنس ایون فیلڈ اپارٹمنٹ سے ہو گی کہ ہماری لندن تو کیا پاکستان میں بھی کوئی جائیداد نہیں۔
اب اگلی پریس کانفرنس Avenfield Apartments سے ہو گی کہ “ہماری لندن تو کیا پاکستان میں بھی کوئ جائیداد نہیں”۔۔۔ pic.twitter.com/nTj7J3YgWW
— Ch Fawad Hussain (@fawadchaudhry) October 3, 2022
واضح رہے کہ لاہور ہائی کورٹ نے مسلم لیگ ن کی رہنما، سابق وزیرِ اعظم نواز شریف کی صاحبزادی مریم نواز کی پاسپورٹ واپسی کی درخواست منظور کر لی ہے۔لاہور ہائی کورٹ کے چیف جسٹس محمد امیر بھٹی کی سربراہی میں 3 رکنی بینچ نے مریم نواز کی پاسپورٹ کے حصول کے لیے دائر متفرق درخواست کی سماعت کی۔
