ٹی 20 ورلڈکپ کے سیمی فائنل میں پاکستان کے پہنچنےکے بعد سوشل میڈیا پر دلچسپ تبصروں کا سلسلہ شروع ہوگیا ہے۔
اس حوالے سے وزیردفاع خواجہ آصف نے بھی پاکستان کی جیت پر مبارک باد دیتے ہوئے ایک ٹوئٹ کاپی پیسٹ کیا ہے۔
ٹوئٹ میں کہا گیا ہےکہ پاکستان نے بنگلادیش کو شکست دے کر سیمی فائنل میں جگہ بنا لی ہے اور سیمی فائنل میں اب پاکستان اور نیوزی لینڈ آمنے سامنے ہوں گے جب کہ انگلینڈ اور بھارت دوسرے سیمی فائنل میں مدمقابل ہوں گے۔
Congrats 🇵🇰 👍
Copied…So we beat bangladesh…
we meet newzealand in semis..india meets england..we beat newzealand and england beats india..we beat england in the finals..92 repeatedp.s. Babar Azam will be our Prime Minister in 2048 🤣
— Khawaja M. Asif (@KhawajaMAsif) November 6, 2022
ٹوئٹ میں مزیدکہا گیا کہ ہم نیوزی لینڈ کو ہرادیں اور انگلینڈ بھارت کو تو 1992 کے ورلڈکپ کے فائنل کی طرح پاکستان اور انگلینڈ آمنے سامنے ہوں گے اور اسی طرح انگلینڈ کو ہرا کر 1992 کی تاریخ دہرادیں تو قومی کرکٹ ٹیم کےکپتان بابر اعظم 2048 میں ہمارے وزیراعظم ہوں گے۔
یاد رہے کہ 1992 کا ورلڈکپ پاکستان نے سابق وزیراعظم عمران خان کی قیادت میں جیتا تھا۔