تحریک انصاف کے چیئرمین عمران خان کا کہنا ہے کہ (ن) لیگ عدلیہ پر حملے کر کے الیکشن سے بچنا چاہتی ہے،یہ جانتے ہیں عوام ان کے ساتھ نہیں ۔
عمران خان کاکہنا تھ کہ (ن) لیگ کا عدلیہ پر حملوں کا مقصد الیکشن سے راہ فرار اختیار کرنا ہے، یہ چاہتےہیں کہ عدلیہ دباؤ میں آکر آئین کے مطابق انتخابات کا انعقاد نہ کرے۔
ان کا کہنا تھا کہ عدلیہ سے کہنا چاہتا ہوں یہ پاکستان کی تاریخ میں ایک اہم وقت ہے،پاکستان اس وقت فیصلہ کن موڑ پر ہے۔
سابق وزیر اعظم نے کہا کہ نگران حکومت 90 دن کے بعد تک کیسے رہ سکتی ہے، نگران حکومت کا کام صرف الیکشن کرانا ہے۔یہ عوامی فیصلے کیسے کر سکتے ہیں ، آئین کے مطابق عوام کی فیصلے صرف ان کے منتخب نمائندے ہی کر سکتے ہیں ۔
انتخابات سے بھاگنے کے لیے آج برملا عدلیہ کیخلاف تقاریر کی جارہی ہیں، نوے دن کے اندر انتخابات کرانا آئینی ضرورت ہے۔ عمران خان
#جیل_بھرو_خوف_کے_بت_توڑو pic.twitter.com/herSlpuasJ— PTI (@PTIofficial) February 23, 2023
ان کا کہنا تھا کہ اخلاقی طور پر کرپٹ الیکشن کمشنر آج تک پاکستان کی تاریخ میں نہیں آیا۔نگران حکومت کے قیام کے لیے ہم نے غیر جانبدار لوگوں کے نام دیے لیکن الیکشن کمیشن نے چن کر وہ بندے لگائے جو کہ ہمارے سخت مخالف تھے۔
عمران خان نے کہا کہ ہمارے گرفتار کیے گئے لوگوں کے ساتھ دہشت گردوں جیسا سلوک کیا جا رہا ہے۔یہ سمجھتے ہیں ہمارے لوگ ڈر جائیں گےلیکن ہم کسی صورت بھی پیچھے نہیں ہٹیں گے۔
تحریک انصاف نے پشاور میں جیل بھرو تحریک ملتوی کر دی
جیل بھرو تحریک کے متعلق ان کا کہنا تھا کہ یہ پرامن احتجاج کا ایک طریقہ ہے جب سے ہماری حکومت گئی ہےہمارے لوگوں پر ایسے ظلم کیے گئے جیسے مارشل لامیں بھی نہیں کیے جاتے۔