پی سی بی کی مینجمنٹ کمیٹی کے سربراہ ذکا اشرف کی بابر اعظم کو کپتانی سے ہٹانے سے متعلق مبینہ آڈیو منظر عام پر آگئی۔
ایکس پر ایک مبینہ آڈیو سوشل میڈیا پر وائرل ہو رہی ہے جس میں پی سی بی کے سربراہ ذکا اشرف ورلڈکپ میں ناقص پرفارمنس کے بعد بابر اعظم کی کپتانی چھوڑنے سے متعلق اور شاہین کو محدود فارمیٹ میں قیادت کے فرائض سونپنے پر ایک نا معلوم خاتون سے گفتگو کر رہے ہیں، ذکا اشرف نے بابر کو دو فارمیٹ کی کپتانی چھوڑنے کا کہا تھا، جس پر بابر نے جواب دیا کہ میں فیملی سے مشورہ کرکے بتاؤں گا لیکن فیملی کے بجائے انہوں نے طلحہ نامی پلیئر ایجنٹ سے بات کی اور بعد ازاں تینوں فارمیٹ سے کپتانی چھوڑنے کا اعلان کیا۔
Breaking News
فاختہ چئیرمین پی سی بی مینجمنٹ کمیٹی ذکاء اشرف صاحب کی مبینہ آڈیو منظر عام پر لے آئی. کیسے انہوں نے پلاننگ کی.کیسے محمد رضوان کو وائیٹ بال کی کپتانی نہ کرنے دی.بابر اعظم کے خلاف کونسا پلان بی تیار تھا فاختہ سب منظر عام پر لے آئی،،،@TalhaAisham
پر الزام عائد کیا کہ… pic.twitter.com/Uh83UwKfQU— Qadir Khawaja (@iamqadirkhawaja) December 18, 2023
مینجمنٹ کمیٹی کے سربراہ نے مزید کہا کہ بابر اعظم نے ٹیسٹ کی کپتانی لینے سے انکار کیا تو اسوقت ہمارے پاس پلان بی تیار تھا، ہم نے شان مسعود کو کپتانی دیدی اور شاہین کو ٹی 20 فارمیٹ میں قیادت کی فرائض سونپے۔
ذکاء اشرف کےچیئرمین پی سی بی بننے کے امکانات روشن
اس موقع پر نامعلوم خاتون نے کہا کہ شاہین بھی تو اپنے سسر شاہد آفریدی کے کنٹرول میں ہے، حسن علی بابر اعظم کیساتھ دوستی کی وجہ سے پاکستان سکواڈ کا حصہ بنے ہوئے ہیں۔