پشاور(مانیٹرنگ ڈیسک) افغان طالبان کے سربراہ ملااخترمنصور ممکنہ طورپر ہونیوالے ڈرون حملے میں مارے گئے تھے جس کی تصدیق افغان حکام اور امریکی صدر اوباما نے بھی کردی تاہم افغان طالبان نے مبینہ طورپر ملااختر منصور کا آڈیوپیغام جاری کردیاہے جس میں ہلاکت کی تردید کردی گئی ۔ تفصیلات کے مطابق افغان طالبان نے اپنے سربراہ ملااخترمنصور کا آڈیو پیغام جاری کردیاہے جس میں ملااخترمنصور کے دعوے دار شخص نے زندہ اور مکمل صحت یاب ہونے کا اعلان کیا جبکہ ہلاکت کی تردید کردی ۔ اس آڈیو ٹیپ سے متعلق مزید تفصیلات موصول ہورہی ہیں ۔ دوسری طرف طالبان کے دھڑے بھی سرجوڑ کر بیٹھ گئے ہیں او رمسلسل دوسرے روز بھی اجلاس جاری ہے جس دوران نئے طالبان سربراہ کے چناؤ پر تبادلہ خیال کیا جارہاہے اور اطلاعات ہیں کہ سراج الدین حقانی کو طالبان کا نیا سربراہ مقرر کیے جانے کا امکان ہے
تازہ ترین
