پاکستان کا بھارت کو کل بھوشن یادیو تک قونصلررسائی نہ دینے اور معاملہ عالمی سطح پر اٹھانے کا فیصلہ

اسلام آباد (مانیٹرنگ ڈیسک) پاکستان نے بھارت کو کل بھوشن یادیو تک فوری طورپرقونصلررسائی نہ دینے کا فیصلہ کرلیا ہے ۔تفصیلات کے مطابق پاکستان نے بھارت کو کل بھوشن یادیو تک قونصلررسائی نہ دینے سمیت بھارتی مداخلت کو عالمی سطح پر بے نقاب کرنے کا فیصلہ کر لیا ہے ۔ پاکستان کل بھوشن یادیو کے انکشافات پر مبنی دستاویزی ثبوت مرتب کر رہا ہے جو اقوام متحدہ سمیت اہم ممالک کو دیے جائیں گے جبکہ اس معاملے پر مختلف ممالک کے سفیروں کو بریفنگ بھی دی جائے گی۔ ذرائع کا کہنا ہے کہ یہ فیصلہ کل بھوشن یادیو کی دہشتگردی کی وارداتوں میں ملوث ہونے کے اعتراف کی روشنی میں کیا گیا ہے۔