پاناما کے بعد اب سندھ کے حالات میں بہتری کے لیے محنت کرنا ہوگی، عمران خان

اسلام آباد: پاکستان تحریک انصاف کے چئیرمین عمران خان نے سکھر جلسے کے حوالے سے ایک وڈیو پیغام جاری کیا ہے جس میں انہوں نے سندھ کے عوام کو کل سکھر آنے کی دعوت دی ہے۔
میڈیا کے مطابق پاکستان تحریک انصاف کے چئیرمین عمران خان نے سکھرجلسے کے حوالے سے ایک وڈیو پیغام جاری کیا ہے۔ عمران خان کا اپنے وڈیو پیغام میں کہنا ہے کہ وہ کل جمعتہ المبارک کے روزسکھرآرہے ہیں، انہوں نے سندھ کے عوام کو کل سکھر آنے کی دعوت دیتے ہوئے کہا کہ تحریک انصاف نے انتہائی محنت سے “پاناما کیس” کی پیروی کی۔ عمران خان نے کہا کہ سندھ کے گھمبیر مسائل سے ہم بخوبی واقف ہیں، پاناما کے بعد اب سندھ کے حالات میں بہتری کے لئے محنت کرنا ہوگی جب کہ 25 اگست کو آئندہ کا لائحہ عمل طے کریں گے کہ سندھ کے حالات میں بہتری کیسے ممکن ہے۔