پاکستان پیپلزپارٹی کے چیئرمین بلاول بھٹو زرداری نے کٹھ پتلیوں کے عالمی دن پر وزیراعظم عمران خان کو کٹھ پتلی قرار دے کر مبارکباد دے دی۔سماجی رابطے کی ویب سائٹ ٹوئٹر پر بلاول بھٹو زرداری نے کٹھ پتلیوں کے عالمی دن کو وزیراعظم عمران خان پر تنقید کے لیے استعمال کیا۔انہوں نے اپنی ٹوئٹ میں کٹھ پتلیوں کے عالمی دن کا حوالہ دیا اور ساتھ ہی وزیراعظم عمران خان کو ان کے ٹوئٹر اکاؤنٹ پر مبارکباد دیتے ہوئے ٹیگ کردیا۔یاد رہے کہ بلاول بھٹو زرداری وزیراعظم عمران خان پر گزشتہ چند ماہ سے شدید تنقید کررہے ہیں اور انہیں ایک کٹھ پتلی وزیراعظم قرار دے درہے ہیں۔
Today is actually #WorldPuppetryDay congratulations @ImranKhanPTI & @PTIofficial pic.twitter.com/SsgJxoDR4W
— BilawalBhuttoZardari (@BBhuttoZardari) March 21, 2019
اس سے پہلےٹوئٹ میںبلاول بھٹو کا کہنا ہے، پرامن طریقہ سے جمہوری حق استعمال کرنے والے کارکن اب تک جیل میں ہیں، کالعدم تنظیموں سے رابطہ رکھنے والے وزرا کو نہیں ہٹایا گیا
Has the government removed federal ministers associated with banned outfits yet? No. Are peaceful, democratic, political workers of PPP still in custody? Yes. #LathiGolikiSarkar #NahiChalayGee
— BilawalBhuttoZardari (@BBhuttoZardari) March 21, 2019
ادھر پولیس نے سینیٹر مصطفیٰ نواز کھوکھر سمیت 70 جیالوں کے خلاف ایف آر کاٹ دی۔ ذرائع کے مطابق سینیٹر مصطفیٰ نواز کھوکھر کی گرفتاری کیلئے چیئرمین سینیٹ سے رابطہ کیا جائے گا، چیئرمین سینیٹ کی اجازت کے بعد پی پی سینیٹر کی گرفتاری کا امکان ہے۔ ایف آئی آر میں کہا گیا ہے کہ پیپلزپارٹی کارکنان جلوس کی شکل میں حکومت اور نیب کیخلاف توہین آمیز نعرے بازی کرتے ہوئے آبپارہ سے نادرا چوک آئے۔
علاقہ مجسٹریٹ نے دفعہ 144 کے نفاذ سے آگاہ کرتے ہوئے منتشر ہونے کا کہا تو پی پی کارکنان نے پولیس اہلکاروں پر حملہ کر دیا اور رکاوٹیں توڑتے ہوئے نیب دفتر کے باہر پہنچ گئے، پی پی کارکنوں کے حملے میں 9 پولیس اہلکار اور ایک صحافی زخمی ہوا، حملہ کرنے والے 20 کارکنوں کو گرفتار کر لیا گیا تاہم مصطفیٰ نواز کھوکھر، راجا شکیل عباسی سمیت 50 افراد موقع سے فرار ہو گئے۔
