ایران نے آئل ٹینکرز حملے میں ملوث ہونےکی تردید کردی

ایران نےامریکہ کے الزامات مسترد کر دیے ہیں کہ وہ متحدہ عرب امارات کی سمندری حدود میں آئل ٹینکرز پر حملے میں ملوث تھا۔ ایرانی وزارت خارجہ نے بدھ کو کہا کہ یہ بے وقوفانہ الزامات‘ ہیں تاہم یہ ایک ایسے شخص کی طرف سے عائد کیے گئے ہیں، جو شروع سے ہی ایران مخالف رہا ہے۔ امریکی صدر ڈونلڈ ٹرمپ کے قومی سلامتی کے مشیر جان بولٹن نے بدھ کے دن ہی کہا کہ یہ ’تقریبا یقینی ہے کہ اس حملے میں ایران ملوث تھا‘۔ ادھر ایرانی صدر حسن روحانی نے کہا ہے کہ امریکا کے ساتھ مذاکرات کا راستہ بند نہیں ہوا ہے۔ انہوں نے کہا کہ اگر واشنگٹن حکومت ایران پر لگائی گئی پابندیاں ختم کرتا ہے تو آگے بڑھا جا سکتا ہے۔