وزیراعظم کی معاون خصوصی برائے اطلاعات فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا پاکستان کے عوام نے عمران خان کو حقیقی مینڈیٹ دے کر آپ کا منصوبہ ناکام کر دیا، پاکستان کو دو خاندانوں کے آمرانہ راج سے آزاد کرانے پر موروثی سیاست والوں کو تکلیف ہے، حکومتی مشکل فیصلوں کے نتیجے میں معیشت بہتری کی طرف بڑھ رہی ہے۔
موروثی سیاست کے علمبرداروں نے میثاق جمہوریت کے نام پر اپنی اولادوں تک کی باریوں کا شیڈول طے کیا تھا۔ پاکستان کے عوام نے آپ کے جعلی مینڈیٹ کے خلاف عمران خان کو حقیقی مینڈیٹ دے کر آپ کا منصوبہ ناکام کردیا۔
— Firdous Ashiq Awan (@Dr_FirdousPTI) May 30, 2019
ساتھ ہی ان کا یہ بھی کہنا تھا کہ ماضی کے حکمرانوں کا قوم پر لادا ہوا بوجھ اتار رہے ہیں، حکومتی مشکل فیصلوں کے نتیجے میں معیشت بہتری کی طرف بڑھ رہی ہے۔ مالی سال 2019 میں ریکارڈ تعداد میں قرضوں کی ادائیگیوں کے ساتھ ساتھ تجارتی خسارہ 8 فیصد کم ہوا جبکہ ترسیلات زرمیں 9 فیصد اضافہ ہوا ہے۔
ماضی کے حکمرانوں کا قوم پر لادا ہوا بوجھ اتار رہے ہیں۔ حکومتی مشکل فیصلوں کے نتیجے میں معیشت بہتری کی طرف بڑھ رہی ہے۔ مالی سال 2019 میں ریکارڈ تعداد میں قرضوں کی ادائیگیوں کے ساتھ ساتھ تجارتی خسارہ 8 فیصد کم ہوا جبکہ ترسیلات زر میں 9 فیصد اضافہ ہوا ہے۔
— Firdous Ashiq Awan (@Dr_FirdousPTI) May 30, 2019