کشمیری قربانیاں دے رہے ہیں اور قربانیاں کبھی رائیگاں نہیں جاتیں

کشمیر میڈیا سروس کے مطابق کُل جماعتی حریت کانفرنس کے نظربند چیئرمین سید علی گیلانی نے اپنے ایک بیان میں کشمیریوں کو حوصلہ بلند رکھنے کی نصیحت کرتے ہوئے کہا کہ آپ لوگ قربانیاں دے رہے ہیں اور قربانیاں کبھی رائیگاں نہیں جاتیں۔
سیدعلی گیلانی کا مزید کہنا تھا کہ مجھے جلد آزادی ملنے کا پختہ یقین ہے، کشمیری اپنی شناخت، مذہب اور عزت پر سمجھوتہ نہیں کریں گے، اپنے عظیم تر مقصد آزادی کے حصول کے لیے وادی کشمیر، جموں اور لداخ کے رہنے والے سیسہ پلائی ہوئی دیوار کی طرح متحد ہوجائیں۔
بزرگ حریت رہنما نے کشمیری پولیس کو مخاطب کرتے ہوئے تلقین کی کہ اپنی ماؤں، بہنوں کی عزت اور بھائیوں کی حفاظت کی خاطر بھارتی فوج کے ساتھ تعاون نہ کریں، دھرتی کے بیٹے ہونے کا ثبوت دیں اور ہندوتوا کے پرچاریوں کو ناکام بنا دیں۔