نواز شریف کے وارنٹ لندن بھیج دئیےگئے

ترجمان دفتر خارجہ زاہد حفیظ چوہدری نے ہفتہ وار پریس بریفنگ کے دوران کہا کہ نوازشریف کے حوالے سے کل وارنٹ وزارت خارجہ کوموصول ہوئے جب کہ وارنٹ فوری طور پرپاکستانی ہائی کمیشن لندن کو بھجوا دیے۔
یاد رہے کہ اسلام آباد ہائیکورٹ نے العزیزیہ اور ایوان فیلڈ ریفرینس میں نوازشریف کی حاضری سے استثنی کی درخواست مسترد کرتے ہوئے ناقابل ضمانت وارنٹ جاری کررکھے ہیں۔ عدالت نے حکومت کو لندن میں پاکستانی ہائی کمیشن کے ذریعے وارنٹ گرفتاری کی تعمیل کا حکم بھی جاری کیا ہے۔