بھارت اقوام متحدہ کےفیصلوں کی دھجیاں اڑا رہا ہے

اقوام متحدہ کی 75 ویں سالگرہ کے موقع پر نیویارک میں یو این جنرل اسمبلی میں ہائی لیول میٹنگ کا انعقاد کیا گیا، وزیر خارجہ شاہ محمود قریشی نے اجلاس سے ورچوئل خطاب کیا۔ انہوں نے ادارے کیلئے پاکستان کی طرف سے نیک تمناؤں کا اظہار کیا۔
وزیر خارجہ کا کہنا تھا کہ اقوام متحدہ کی ڈائمنڈ جوبلی ایک تاریخی موقع ہے، برتری کے غلط نظریات کی راکھ سے اقوام متحدہ کی امید نے جنم لیا، آج یو این کے بنیادی اصولوں کی طرف پلٹ کر دیکھنے کا دن ہے، یہ باوقار انداز میں خود احتسابی کا موقع بھی ہے، ضروری تقاضا ہے کہ آنے والی نسلوں کو جنگ کے عفریت سے بچایا جائے۔
شاہ محمودقریشی نے مزید کہا کہ مقبوضہ جموں و کشمیر کے عوام استصواب رائے کے منتظر ہیں، کشمیر سے متعلق اقوام متحدہ قراردادوں اور فیصلوں کی دھجیاں اڑائی جا رہی ہیں۔