شہباز شریف کا وزیراعظم بننے کے بعد پہلا دورہ لندن ،حسن نواز کے دفتر کے باہر لیگی کارکن اور پی ٹی آئی ورکرز آمنے سامنے۔تحریک انصاف کے سینکڑوں سپورٹرز نے لندن میں احتجاج کیا۔ وزیر اعظم شہباز شریف کابینہ کے ارکان کے ہمراہ لندن میں حسن نواز کے دفتر میں نواز شریف سے ملاقات کے لیے پہنچے تو تحریک انصاف کے سپورٹرز نے دفتر کے باہر جمع ہو کر احتجاج کیا اور نعرے بازی کی ۔
لندن میں شہباز شریف اور وزرا کی آمد پر اورسیز پاکستانیوں کا حتجاج۔ PTI اور ن لیگ کے کارکن آمنے سامنے۔ پی ٹی آئی کے سپوٹرز چور چور، امپورٹڈ حکومت نا منظور کے نعرے لگاتے رہے، لیگی کارکن ڈھول کی تھاپ پر دھمال، بھنگڑے ڈالتے اور اپنے قائد کی آمد پر خوشی کا اظہار کرتے رہے۔ pic.twitter.com/gJX1p78B7S
— Ather Kazmi (@2Kazmi) May 11, 2022
مظاہرین نے وزیر اعظم شہباز شریف کے خلاف اور عمران خان کے حق میں نعرے بازی کی ۔ دوسری جانب لیگی کارکن نے پارٹی قیادت کے استقبال پر پھول نچھاور کیے اور ڈھول کی تھاپ پر رقص کیا۔ اس موقع پر لندن میٹرو پولیٹن پولیس کی بھاری نفری بھی تعینات تھی ۔یاد رہے کہ تحریک انصاف کے سپورٹرز کی جانب سے احتجاج کے بعد (ن) لیگ کا پارٹی اجلاس دوسری جگہ منتقل کر دیا گیا۔ اجلاس سے قبل شہباز شریف اور نواز شریف کے درمیان ون آن ون ملاقات بھی ہوئی ۔