وزیر خارجہ بلاول بھٹو کا کہنا ہے کہ فیٹف میں پاکستان کی جانب سے کئے گئے اقدامات کو تسلیم کرنا خوش آئند ہے۔
پاکستان نے 2019 اور 2021 کا فیٹف ایکشن پلان بخوبی مکمل کیا۔
وزیر خارجہ بلاول بھٹو کی جانب سے جاری بیان میں کہا گیا کہ فیٹف نے بھی پاکستان کے مثبت اقدامات کو سراہا ہے۔پاکستان نے دو مرتبہ فیٹف ایکشن پلان پر مکمل عمل درآمد یقینی بنایا۔پاکستان اب اقدامات کو مستقبل میں بھی جاری رکھے گا۔
بلاول بھٹو کا کہنا تھا کہ فیٹف ٹاسک فورس کو پاکستان آمد پر خوش آمدید کہتے ہیں۔اقدام سے پاکستان میں سرمایہ کاروں کا اعتماد مزید بڑھے گا۔امید ہے ٹاسک فورس کی پاکستان آمد کے بعد پاکستان گرے لسٹ سے نکل جائے گا۔فیٹف کے اہداف پورے کرنے پر تمام ٹیم تعریف کی مستحق ہے۔
