پاکستان کے معروف گلوکار عاصم اظہر نے گزشتہ دنوں یوٹویب پر اپنا نیا گانا حبیبی ریلیز کیا جو کہ اس وقت خوب مقبولیت حاصل کر رہا ہے۔
عاصم اظہر کی جانب سے انسٹا اسٹوری پراس حوالے سے بھارتی گلوکار بادشاہ کے ساتھ ہونے والی چیٹ شیئر کی گئی ۔
عاصم اظہر کی جانب سے شیئر کئے گئے اسکرین شارٹ میں دیکھا جاسکتا ہے کہ بھارتی گلوکار بادشاہ نے گانے کی میلوڈی کی تعریف کی اور انہیں گانے کی کامیابی پر مبارکباد بھی دی ،جس پر عاصم اظہر نے بھارتی گلوگار ادتیہ پرتیک سنگھ سودھی المعروف بادشاہ کا شکریہ بھی ادا کیا۔
عاصم اظہر کا گانا حبیبی 11 جولائی کو یوٹیوب پر ریلیز کیا گیا تھا جو اس وقت 2 ملین سے بھی زائد مرتبہ دیکھا اور سنا جا چکا ہے۔