تحریک انصاف کے چیئر مین عمران خان گزشتہ روز لانگ مارچ ـکے دوران کنٹینر کے نیچے آکر جاںبحق ہونے والے خاتون رپورٹر صدف نعیم کے گھر پہنچے ۔
عمران خان نے صدف نعیم کے شوہر اور دیگر اہل خانہ سے ملاقات کی اور تعزیت کی ۔
گزشتہ روز پیش آنے والے حادثے کے بعد عمران خان نے لانگ مارچ کو کامونکی میں ہی ختم کرنے کا اعلان کر دیا تھا۔ نجی ٹی وی کی صحافی کی شہادت پر صدر مملکت عارف علوی ، وزیر اعظم شہباز شریف سمیت وزیر اعلیٰ پنجاب چوہدری پرویز الٰہی نے افسوس کا اظہار کیا اور شہید صحافی کے اہل خانہ کے لیے امداد کا اعلان بھی کیا۔
عمران خان صدف نعیم کے گھر فاتحہ خوانی کے بعد کامونکی کی جانب روانہ ہو گئے۔