پرویز الٰہی ہیڈ کوارٹر منتقل، جسمانی ریمانڈ کیلئے کل عدالت میں پیش کیا جائے گا۔
لاہور: پی ٹی آئی کے مرکزی صدر چودھری پرویز الٰہی کو اینٹی کرپشن حکام نے ہیڈ کوارٹر منتقل کردیا ہے، یہ بات ترجمان اینٹی کرپشن نے بتائی ہے۔
ترجمان کے مطابق سابق وزیراعلیٰ پنجاب چودھری پرویز الٰہی کو کل جسمانی ریمانڈ کے لیے عدالت میں پیش کیا جائے گا، جہاں ان کا جسمانی ریمانڈ دینے کی استدعا کی جائے گی، ان پر کرپشن کے مقدمات درج ہیں۔
پرویز الٰہی کو گرفتارکر لیا گیا
اینٹی کرپشن کے ترجمان کا کہنا ہے کہ چودھری پرویز الہٰی کرپشن کے مختلف کیسز میں اینٹی کرپشن کو مطلوب تھے، ان کی ضمانت چند دن قبل اینٹی کرپشن عدالت نے منسوخ کر دی تھی، انہوں نے ضمانت کیلئے جعلی میڈیکل سرٹیفکیٹ عدالت میں پیش کیا تھا۔
ترجمان اینٹی کرپشن کے مطابق گزشتہ کئی روز سے چودھری پرویز الہٰی کو گرفتار کرنے کی کوششیں کی جا رہی تھیں، ان کو فرار ہونے کی کوشش کے دوران اینٹی کرپشن ٹیم نے گرفتار کیا ہے۔
سابق وزیر اعلیٰ پرویز الٰہی کی گرفتاری کے مناظر،،،#PervazIlahi #PTI #FawadChaudhry #AsifAliZardari #imranKhanPTI #Lahore #Islamabad #IslamabadHighCourt pic.twitter.com/BGrvlQZrxo
— News Alert (@TheNewsAlertPK) June 1, 2023
