مسلم لیگ (ن) کا قصورمیں کل ہونے والا جلسہ ملتوی کردیا گیا، جس کی نئی تاریخ پانچ اگست مقرر کی گئی ہے۔
وفاقی وزیراطلاعات مریم اورنگزیب نے ٹویٹر پیغام میں بتایا کہ خراب موسم کے باعث کھڈیاں قصورمیں کل ہونے والا جلسہ ملتوی کر دیا گیا ہے،جلسہ اب بروز ہفتہ پانچ اگست کو ہوگا۔
انہوں نے بتایا کہ اگست کو وزیراعظم شہباز شریف لاہور، قصور ، بہاولنگر موٹر وے کا افتتاح کریں گے ، اورکھڈیاں میں بڑے عوامی اجتماع سے خطاب بھی کریں گے۔
پاکستان مسلم لیگ (ن) کے زیر اہتمام قصور، کھڈیاں میں (کل) بروز اتوار، 30 جولائی کو ہونے والا جلسہ موسم کی خرابی کی وجہ سے ملتوی کر دیا گیا ہے، اب انشاءاللہ یہ جلسہ بروز ہفتہ 5 اگست 2023 کو منعقد ہوگا۔ وزیراعظم شہباز شریف عوام کو سفر کی بہترین سہولیات کی فراہمی کے ایک اور منصوبے…
— Marriyum Aurangzeb (@Marriyum_A) July 29, 2023
خیال رہے کہ دو روز قبل وزیر اعظم کے معاون خصوصی ملک احمد خان نےسماء سے خصوصی گفتگو کرتے ہوئے کہا تھاکہ وزیراعظم شہباز شریف تیس جولائی کو لاہور قصور بہاولنگر موٹر وے کا افتتاح کریں گے ،اورجلسہ عام سے خطاب بھی کریں گے۔
دیہی علاقوں میں موٹر وے آنے سے زراعت کےشعبے میں انقلاب آسکتا ہے، تین فیزز میں موٹروے کو بنایا جا رہا ہے،قصورسےاوکاڑہ، ساہیوال ،بہاولنگر کی زراعت کوعالمی منڈیوں تک رسائی ملے گی۔
