سابق وفاقی وزیر فیصل واوڈا نے دعویٰ کیا ہے کہ عثمان ڈار سامنے آگئے ہیں ، فرخ حبیب اور صداقت عباسی بھی جلد سامنے آئیں گے۔
تفصیلات کے مطابق سابق وفاقی وزیر فیصل واوڈا نے عثمان ڈار کے بیان پر کہا کہ عثمان ڈار کو احساس تھا مگر شروع میں ہمت نہیں تھی، انھوں نے جو نام لئے سو فیصد درست ہیں۔
فیصل واوڈا کا کہنا تھا کہ عثمان ڈار کچھ نام لینا بھول بھی گئے ہیں،چیئرمین پی ٹی آئی کے اپنے ہی ساتھی انہیں لے ڈوبے ہیں، یہ اچھا اقدام ہے کہ لوگ اپنی غلطی تسلیم کررہےہیں۔
عثمان ڈار نے جاتے جاتے بتا دیا کہ بھٹو کو پھانسی لگا دی،ووٹ بینک ختم نہیں ہوا، ن لیگ کا بھی ووٹ بینک ہے اسی طرح عمران خان کا ووٹ بینک بھی ختم نہیں ہوگا، جب پی ٹی آئی چھوڑنے کا اعلان کیا تو آواز بھر آئی، صاف کہا کہ اب بھی ووٹ بینک عمران خان کا ہی ہے۔۔۔!!!#UsmanDar pic.twitter.com/pgkdyDnohd
— Mughees Ali (@mugheesali81) October 4, 2023
سابق وفاقی وزیر نے دعویٰ کیا کہ آئندہ چند روز میں فرخ حبیب اور صداقت عباسی ودیگرلوگ بھی سامنے آئیں گے۔
ان کا کہنا تھا کہ ایک سال پہلےکہا تھا سب بتادیں گے ثبوت دے دیں گے، بندوق سےگولی خان صاحب نےچلائی تھی، دھرنے کا مقصد آرمی چیف کو ہٹانے کی کوشش کی تھی اور ان کا مقصد موجودہ چیف کے بجائے اپنے خاص بندے کو چیف بنانا تھا۔
فیصل واوڈا نے مزید کہا کہ یہی کام انھوں نے چیف جسٹس کیلئے بھی کیا، موجودہ چیف جسٹس اور سپہ سالار قوم کے ہیرو ہیں، مایوس نہیں کریں گے۔