مسلم لیگ (ن) کے سنیئر رہنما اور سابق وزیر خزانہ اسحاق ڈار نے کہا ہے کہ نواز شریف کی واپسی پر گرفتاری کا کوئی چانس نہیں ۔
اسحاق ڈار نے کہا ہے کہ نواز شریف بدھ کو سعودی عرب پہنچیں گے جہاں وہ عمرہ ادا کریں گے اور مدینہ منورہ جائیں گے ، نواز شریف ایک گلف ملک سے 21 اکتوبر کوپاکستان پہنچیں گے ۔
نواز شریف انتقام کے بجائے ملک کو ٹھیک کرنے پر توجہ دیں گے:اسحاق ڈار
اسحاق ڈار کا کہنا ہے کہ نواز شریف کی واپسی پر گرفتاری کا کوئی کوچانس نہیں ، واپسی پر وہ پروٹیکٹڈ کسٹڈی اور ٹرانزٹ ضمانت لیں گے ،اسحا ق ڈار کا کہنا تھا کہ کوشش ہے آئندہ انتخابات میں واضح اکثریت حاصل کریں ، (ن) لیگ کا بیانیہ ہوگا کہ معیشت کی بحالی بہترین انتقام ہے ۔
سابق وزیر خزانہ نے کہا کہ پروجیکٹ عمرا ن خان کے کرداروں پر سچائی کمیشن ہمارے ایجنڈے میں شامل ہے البتہ کوئی ایسا اقدام نہیں کرنا چاہتے جس سے انتقام کی بو آئے ، سچائی کمیشن 2011 سے پروجیکٹ عمران کے کرداروں کے حقائق سامنے لائے گا ۔