چیف جسٹس قاضی فائز عیسیٰ کی چیف الیکشن کمشنر سے ملاقات

چیف جسٹس آف پاکستان جسٹس قاضی فائز عیسیٰ نے سپریم کورٹ میں چیف الیکشن کمشنر سکندر سلطان راجہ سے ملاقات کی جس میں الیکشن کے حوالے سے گفتگو کی گئی۔

خبروں کے مطابق ملاقات میں جسٹس سردار طارق، جسٹس اعجازالاحسن اور آٹارنی جنرل پاکستان بھی شریک تھے۔

اے آر وائی کی خبر کے مطابق چیف جسٹس نے الیکشن کمشنر کو سپریم کورٹ طلب کیا تھا، الیکشن کمشنر نے انتخابات کے حوالے سے لاہور ہائی کورٹ کے حکم امتناع کے متعلق ججز کو آگاہ کیا۔

شوکت عزیز برطرفی کیس: جنرل (ر) فیض سمیت 4 افراد کو نوٹس جاری

گزشتہ روز لاہور ہائی کورٹ نےبیورو کریسی کی خدمات لینے پر الیکشن کمیشن کا نوٹفیکیشن معطل کیا تھا۔ عدالت نے معاملے پر لارجر بینچ تشکیل دینے کی سفارش بھی کی۔

لاہور ہائیکورٹ کے فیصلے کے بعد ملک بھر میں انتخابی عملے کی تربیت کا عمل بھی رک گیا تھا۔