وزیر خزانہ محمد اورنگزیب نے کہا ہے کہ کیش بیلنس بہتر ہے، حکومت تمام قرض بروقت ادا کرے گی اور ان ادائیگیوں سے پاکستانی کرنسی پر دباؤ نہیں پڑے گا۔
وزیر خزانہ کا کہنا تھا کہ پاکستان رواں سال 300 ملین ڈالرز کے بانڈز جاری کرے گا اور یہ پانڈا بانڈز چینی مارکیٹ میں جاری کیے جائیں گے، ابتدائی طور پر 250 سے 300 ملین ڈالر کے بانڈز جاری کیے جائیں گے۔
بعد میں پانڈا بانڈز کا حجم بڑھایا جائے گا، کیش بیلنس بہتر ہے، حکومت تمام قرض بروقت ادا کرے گی اور ادائیگیوں سے پاکستانی کرنسی پر دباؤ نہیں پڑے گا۔
وزیر خزانہ کاکہنا تھا کہ امید ہے روپے کی قدر مستحکم رہے گی اور اگلے مالی سال میں ترقی کی شرح بہتر رہے گی۔
