چیئرمین پی سی بی محسن نقوی کی نگران کابینہ کے وزیر بلال افضل قومی کرکٹ ٹیم کی سلیکشن کمیٹی میں شامل۔
بلال افضل گزشتہ ماہ سبکدوش ہونیوالی پنجاب کی نگران کابینہ میں وزیر تھے، بلال افضل سلیکشن کمیٹی میں ڈیٹا اینالسٹ ہوں گے۔
معروف ڈیٹا اینالسٹ حسن چیمہ بھی بطور ایکس آفیسیو ممبر سلیکشن کمیٹی کا حصہ ہیں جبکہ ڈائریکٹر انٹرنیشنل عثمان واہلہ سلیکشن کمیٹی کے سیکرٹری ہوں گے۔
پی سی بی نے سلیکشن کمیٹی کے ممبران کے نام سائٹ پر اپ ڈیٹ کردیے ہیں۔
واضع رہے کہ محسن نقوی نے گزشتہ دنوں پریس کانفرنس میں سات رکنی سلیکشن کمیٹی کا اعلان کیا تھا۔