لاہور، جماعت اسلامی کے نو منتخب امیر حافظ نعیم الرحمٰن 18 اپریل کو حلف اٹھائیں گے، یہ بات جماعت اسلامی کے ترجمان قیصر شریف نے جاری کئے گئے بیان میں کہی۔
نو منتخب امیر جماعت اسلامی حافظ نعیم الرحمٰن کی حلف برداری کی تقریب جماعت اسلامی کے مرکز منصورہ میں ہوگی۔
جماعت اسلامی کے ترجمان کے مطابق نو منتخب امیر جماعت اسلامی حافظ نعیم الرحمٰن نے اہم اجلاس طلب کرلئے، قیصر شریف نے یہ بھی بتایا کہ جماعت اسلامی کی مرکزی مجلس عاملہ کا اجلاس 18 اپریل کو منصورہ میں ہوگا۔
