لاہور، وزیر اطلاعات پنجاب عظمیٰ بخاری نے کہا ہے کہ سستی روٹی فروخت کرنے کے احکامات پر ہر صورت عملدرآمد کروایا جائیگا۔
لاہور میں پریس کانفرنس کرتے ہوئے عظمیٰ بخاری نے خبردار کیا کہ سستی روٹی پر ایسوسی ایشنز کا اگر مگر نہیں چلے گا، سستی روٹی فروخت کرنے کے احکامات پر عملدرآمد کیلئے انتظامیہ متحرک ہوچکی ہے اور اس حوالے سے حکومت نے اپنا ہوم ورک کرلیا ہے، وہ دور گیا جب منصوبے کاغذوں میں بنتے تھے۔
عظمیٰ بخاری کا کہنا تھا مریم نواز کی ڈکشنری میں ناممکن کا لفظ نہیں، جون میں ایئر ایمبولنس فعال ہوجائے گی، ٹریننگ شروع ہوگئی ہے، 2 ہیلی کاپٹر ریسکیو سروس کا حصہ بنیں گے۔
