پانامہ کیس،وزیراعظم اور ان کے بچوں نے نئی درخواست جمع کرادی،پی ٹی آئی کی دستاویزات کو ریکارڈ کا حصہ نہ بنانے کی استدعا

اسلام آباد(مانیٹرنگ ڈیسک)سپریم کورٹ میں پانامہ کیس کی سماعت میں وزیراعظم اور ان کے بچوں نے ایک نئی درخواست جمع کرادی ہے۔درخواست میں پی ٹی آئی کی دستاویزات کو ریکارڈ کا حصہ نہ بنانے کی استدعاکی گئی ہے۔ تفصیلات کے مطابق وزیراعظم اور ان کے بچوں کی طرف سے جمع کرائی گئی درخواست میں موقف اپنایا گیا ہے کہ اگر پی ٹی آئی کی دستاویزات کو ریکارڈ کا حصہ بنانا ہے تو مزید 8 ہفتوں کا وقت دیا جائے۔ درخواست گزار نے موقف اپنایا کہ دستاویزات ہمارے وکلاءکے دلائل مکمل ہونے کے بعد جمع کرائی گئی ہیں،دلائل ختم ہونے کے بعد دستاویزات پر جواب جمع کرانے کا موقع نہیں ملے گا۔سپریم کورٹ میں پانامہ کیس کی سماعت روز کے وقفے کے بعد دوبار ہ شروع ہورہی ہے۔