دبئی: پاکستان سپر لیگ کے چوتھے ایڈیشن کی رنگا رنگ افتتاحی تقریب کا آغاز دبئی میں ہوگیا۔چھکے، چوکے اور وکٹیں گرتے دیکھنے کیلئے بے تاب شائقین کرکٹ کا انتظارختم ہوا، پاکستان سپر لیگ کے چوتھے ایڈیشن کا آغاز دبئی انٹرنیشنل کرکٹ اسٹیڈیم میں ہوگیا۔پی ایس ایل سیزن فور کی افتتاحی تقریب میں جنون گروپ جذبوں میں جنون کے سرُ بکھیرے گا، آئمہ بیگ دلوں کے تاربجائیں گی جب کہ فواد خان ایونٹ کا ٹائٹل سانگ گا کر رنگ جمائیں گے۔رنگا رنگ افتتاحی تقریب کے بعد ٹورنامنٹ کا پہلا میچ لاہورقلندرز اور دفاعی چیمپئن اسلام آباد یونائیٹڈ کے درمیان کھیلا جائے گا، دونوں ٹیمیں کئی تبدیلیوں کے ساتھ جیت کا عزم لئے میدان میں اتریں گی، اسلام آباد یونائیٹڈ کئی بڑے نام گنوا چکی، اب فہیم اشرف، حسین طلعت، آصف علی اور شاداب خان پر انحصار ہوگا۔واضح رہے کہ ایونٹ میں مجموعی طور پر 34 میچز کھیلیں جائیں گے، دبئی، ابوظہبی اور شارجہ میں 26 میچزجب کہ فائنل سمیت 5 میچز کراچی کے نیشنل اسٹیڈیم اور 3 میچز لاہور کے قذافی اسٹیڈیم میں ہوں گے۔
تازہ ترین
