نیوزی لینڈ کے شہر کرائسٹ چرچ کی دو مساجد پر دہشت گرد حملے میں شہید پاکستانیوں کی تعداد 9 ہو گئی۔ابتدائی طور پر وزارت خارجہ کی جانب سے واقعے میں 6 پاکستانیوں کی شہادت کی تصدیق کی گئی تھی۔پاکستانی سفارت کار کا کہنا تھا کہ شہدا میں محبوب ہارون اور ان کے بیٹے طلحہ ہارون، نعیم رشید، سہیل شاہد، سید جہانداد علی اور سید اریب علی شامل ہیں۔آج دفتر خارجہ کے ترجمان کی جانب سے ایک اور ٹوئٹ میں کہا گیا کہ مزید تین پاکستانیوں کی شہادت کی تصدیق ہو گئی ہے جن کے نام ذیشان رضا، ان کے والد غلام حسین اور والدہ کرم بی بی شامل ہیں۔
Mr Zeeshan Raza, his father Mr Ghulam Hussain and mother Ms. Karam bibi have now been confirmed to have embraced shahadat in the terrroist attack in #NewZealand. We are in touch with their family. A total of 9 Pakistanis embraced shahadat in #NewZealandTerrorAttack
— Dr Mohammad Faisal (@DrMFaisal) March 17, 2019
ترجمان دفتر خارجہ کے مطابق گزشتہ 10 سال سے اپنے اہل خانہ کے ہمراہ نیوزی لینڈ میں رہنے والے شہید نعیم رشید اور ان کے بیٹے طلحہ نعیم کو کرائسٹ چرچ میں ہی سپرد خاک کیا جائے گا۔نیوزی لینڈ کے شہر کرائسٹ چرچ کی مساجد میں جمعے کی نماز کے دوران 2 مساجد پر فائرنگ سے 50 سے زائد افراد شہید اور درجنوں زخمی ہوئے تھے۔نیوزی لینڈ پولیس نے مساجد پر حملے کرنیوالے ملزم آسٹریلیا سے تعلق رکھنے والے برینٹن ٹیرینٹ کو واقعے کے تقریباً 40 منٹ بعد گرفتار کرلیا، جس نے مزید مساجد پر حملوں کا منصوبہ بنایا تھا۔
