ٹوئٹر پر وفاقی وزیر اطلاعات و نشریات فواد چوہدری کا کہنا تھا کہ نواز شریف کی رہائی کا چوتھا روز ہے، انہیں تاحال اسپتال میں داخل نہیں کرایا گیا، کیا مقصد جیل سے باہر آنا تھا،یا بیماری کیلئے آخری ہفتے کا انتظار ہے؟فواد چوہدری کا مزید کہنا تھا کہ میرا پھر مشورہ ہے کہ آسان راستہ پلی بارگین ہے، پیسہ حسن اور حسین کا نہیں نواز شریف کا ہے، اس قوم نے3مرتبہ نواز شریف کو عزت دی، ان کا پیسہ واپس دیں۔
نواز شریف کی رہائی کا چوتھا روز تاحال ہسپتال میں داخل نہیں کروایا گیا ۔کیا مقصد صرف جیل سے باہر آنا تھا یا بیماری کیلئے آخری ہفتے کا انتظار ہے؟ میرا پھر مشورہ ہے آسان راستہ Plea Bargain ہے، حسن اور حسین کا پیسہ نہیں آپ کا ہے اس قوم نے تین دفعہ آپ کو عزت دی ان کا پیسہ واپس دیں
— Ch Fawad Hussain (@fawadchaudhry) March 30, 2019
اس سے پہلے پیپلزپارٹی کے بیرسٹر اعتزاز احسن بھی اس بات کی طرف اشارہ کر چکے ہیں ۔
گزشتہ دنوں انہوںنے میڈیا سے بات چیت کرتے ہوئے کہا کہ ن لیگ اور پیپلزپارٹی ایک ساتھ نہیں چل سکتیں، دونوں سمجھتے ہیں کہ اکٹھے ہوگئے تو انہیں نقصان ہوگا، نواز شریف کو ضمانت زبان بند رکھنے کی شرط پر ملی ہے اور وہ پلی بارگین بھی کرسکتے ہیں، شریف برادران کیلئے سیاست کرنا دشوار ہوگیا، ایک بڑے ملزم نے قلابازی ماری ہے اور خواجہ آصف نندی پور مقدمے میں استغاثہ کے گواہ بن گئے ہیں۔