یورپی یونین کے ساتھ کشیدگی ، بیلاروس میں فوج ہائی الرٹ

بیلاروس کا کہنا ہے کہ اس نے یورپی یونین کے رکن ممالک کے ساتھ ملنے والی اپنی سرحدیں بند کر دی ہیں۔ پولینڈ نے کہا ہے کہ سرحد پر صورتحال میں کوئی تبدیلی نہیں آئی اور بیلاروس کا یہ اقدام اس کی پروپیگنڈا مہم کا حصہ ہے۔ بیلاروس کے صدر الیکسانڈر لوکاشینکو نے کل جمعرات کو اعلان کیا تھا کہ ملکی فوج کو اب شہروں سے نکال کر یورپی یونین سے متصل قومی سرحدوں کی حفاظت کے لیے بارڈر پر تعینات کیا جا رہا ہے۔ لیتھوانیا میں بھی سرحدی امور کے نگران حکام نے اس تاثر کو غلط قرار دیا کہ بیلاروس کے ساتھ قومی سرحد پر صورت حال میں کوئی ایسی تبدیلی آئی تھی کہ منسک حکومت کو وہاں اپنی فوج تعینات کرنے کی ضرورت پڑتی۔