اسلام آباد(آن لائن) 27 فروری کی مناسبت سے ڈی جی آئی ایس پی آر کی جانب سے سوشل میڈیا پر جاری کردہ پیغام میں کہا گیا کہ آج آپریشن سوئفٹ ریٹارٹ کو تین سال مکمل ہو گئے ۔جب پاکستان کی مسلح افواج نے بھارتی ناکام مہم جوئی کا بھرپور جواب دیا۔ ڈی جی آئی ایس پی آر کا کہنا تھا کہ آج کے دن پاک فضائیہ کے شاہینوں نے 2بھارتی فائٹر کامیابی سے مار گرائے تھے ، ، پاک بحریہ کی جانب سے سمندر میں بھارتی آبدوز کا سراغ لگایااور ایل او سی پر بھرپور جواب پاک فوج کی صلاحیت کا منہ بولتا ثبوت ہے۔
Today marks 3rd anniversary of “Op Swift Retort” when Pakistan Armed Forces gave a befitting response to Indian failed misadventure. Achievements of PAF in shooting down 2 Indian fighter ac, detection of Indian submarine at sea by Pak Navy & resounding response at LOC (1/2)
— DG ISPR (@OfficialDGISPR) February 27, 2022
ڈی جی آئی ایس پی آرکا کہنا تھا کہ پاک فوج کی دشمن کے خلاف کارروائی مادر وطن کے دفاع کے لیے پاکستان کی مسلح افواج کی پیشہ وارانہ مہارت اور عزم کا ثبوت ہے۔ صرف ہتھیار یا تعداد ہی نہیں بلکہ قوم کا عزم اور مسلح افواج کی آپریشنل تیاری مشکل میں کامیابی کا تعین کرتی ہے۔ پاکستان زندہ باد۔آج کے دن کی مناسبت سے پاک فضائیہ کی جانب سے خصوصی نغمہ بھی نشر کیا گیا ہے جس میں پاک فضائیہ کے شاہینوں کو خراج تحسین پیش کیا گیا ہے ۔
